野仔 野仔 LYRICS

作曲: 小胡
填詞: 占
編曲: 小胡, Chris
監製: 野仔

我哋無變過 又係嗰五六個 仲係叫野仔就算幾廿歲咯
唱過好多歌 騷都搞過四個 越嚟越多人鍾意我哋喇喎

跟我哋一齊嚟玩呢首歌 即刻起身全場咪講咁多
亂咁嗌一齊嚟亂咁唱歌 今晚你收收埋埋點解要咁 有啲錯

出騷無人睇 我哋都有試過 小貓三四丁係有人唔識貨
試過要放棄 以為我哋散咗 兩年後再嚟一天都光曬咯

因乜嘢仲維持要出張碟呀 應該喺面前永遠有啲觀眾
點解咁鍾意搞騷駛啲錢呀 都因為幾個老嘢想玩番下 wow

跟我哋一齊嚟玩呢首歌 即刻起身全場咪講咁多
亂咁嗌一齊嚟亂咁唱歌 今晚你手同頭亂郁怕乜 拍子錯

又有結他又有鼓 仲有阿基同阿胡 又瘦又高台後面
肥嘅企响台兩邊 當然仲想介紹各位前面 呢位人稱怪物厭食瘦骨仙

跟我哋一齊嚟玩呢首歌 即刻起身全場咪講咁多
亂咁嗌一齊嚟亂咁唱歌 今晚你手同頭亂郁怕乜 拍子錯

跟我哋一齊嚟玩呢首歌 即刻起身全場咪講咁多
亂咁嗌一齊嚟亂咁唱歌 今晚你手同頭亂郁怕乜 拍子錯