GIÖXE MARZARI CESSATO ALLARME LYRICS

Pronto?...Pronto!....
Scignuria sciú Pellegru, scia stá ben?
Menu male...
Scia l'ammie: mi nu gh'ho telefunou vei, doppu u bumbardamentu, pe nu faghe attruvá ûn resatu eh...
Dunque, u 'sezze' u l'é salvu, au 'quattorze' gh'é vegnûu zû a facciata, ma poca roba, de ruttu nu gh'é quæxi ninte: l'é cheita a miagia meistra, dotræ tramezann-e, quattru suffite, qualche travu...
in tûttu ghe saiá quattruçentu tunnei de zettu... bah, l'é roba da rie.... Pensiamo alla salute...
Cumme?...
Ah, sci, sci, sci... segûu... Eh, l'é megiu u 'quattorze' che u 'sezze'...
No, no, no, no... intu rifûggiu du 'quatorze' nu gh'ea restou nisciûn atru ch'ou gattu du furmaggiá ch'u stava de guárdia au succhefisciu ascuzu...
No, no, no, no... gente nu ghe n'ea: da l'ûrtima votta che l'inquilin du 'quattru' u l'ha stranûou e u l'é vegnûu zû sette puntelli anti-crollu... nu só cumme a segge... ma nu gh'han ciû avûu fidûccia, scia a capisce? Eh... van tûtti in galleria... peggio per loro, eh, ché l'amministrazione del caseggiato ci aveva pensato, anzi, c'era anche tanto di cartello: "Rifuggio anti-crollo di sfortuna. Capacitá: vittime 40"... Eppûre... cose scia vø che ghe digghe? Gh'é ciû cau aná in galleria... eh, questione di gusti...
Inta trumba d'e scae nu l'é sûccessu ninte de grave...
L'ascensure? Ah... l'ascensure u l'é insciu teitu cáregu de gente, ma poi scia veddiá ch'u vegniá zû...
Oh, 'na cosa primma che m'ascorde, a scia Berodu, l'ortu che l'é intu giardin daa parte di munti a nu vø ciû tegnilu perché a dixe che nu ghe picca de su e a m'ha ditu ch'a vø dalu via: mi, se fise cumme vusciá, za che scia deve cede u giardin daiæ via anche l'ortu... L'é megiu che scia ghe pense vusciá, mi nu possu andá á.... dá via l'ortu... ho troppe cose da fa...
A carbunea du 'quattorze' a gh'ha remissu u carrettu eh... sci, sci... u carrettu du giassu... eh... mi ghe l'ho ditu: "Sono danni di guerra e bisogna che u denûnsie".... sci, a l'é roba da rie, pensiamo alla salute...
Scia vø sentine ûnn-a?
Gh'é u maiu da scia Rebûffu ch'u l'è dui giurni ch'u l'é imbrægu daa cuntentessa, e scia sá perché? Perché sø muggé, daa púia ch'a s'é attruvaa a l'é vegnûa mûtta! Ansi, u l'ha ditu ch'u l'anniá aa Madonna d'a Guárdia descasu per ringraziamento per grazia ricevuta!