ALFRED ROSE VANKANNI LYRICS

Aslo ek cheddo artinim uxear, fatrachim baulim kori jinsamvar,
Donui ath aplea kori uzar, taka ojeaptalo lok sabar,
Pai bob mari donui ath gheun mather, aik puta sangtam zaunakai udar,
Oslim baulim tum korxi zalear, nindchem podtelem ritea pottar.

Pai anvdetalo, sodanch chintalo, putak koruncheak dotor,
Put vavurtalo, baulim kortalo. kantorn jinsache fator,
Lok ojeaptalo, dipkon urtalo marlelea porim montor,
Taka lok vankandtalo, punn pai kendatalo, putak dukh zatali bitor.

Bapain putak kainch unnem kelem nam, zaitem xinkop diunk fatti sorlonam,
Punn putak kednach vankandlonam, tachea vavrak valor dilonam,
Putache artik urba meulinam, punn putan matui porva kelinam,
Vavr korinastanam raulonam, baulim korpachim bond kelimnam.

Ek dis tea putan, tapon thea vottan, Saibinnichi imaj keli,
Sobit pintarun imaji pondak apli nixxani ghali,
Imaji gheun athan, tho gelo xetan, maten thi imaji purli,
Teach xettan vavr kortana, nangor ghaltana, paik tachea imaj meuli.

Imaj polloun pain ekdom ojeaplo, Pe.vigar addun vankadunk laglo
Poi puta hi imaj kortolo, khoro zaunk zai eok artist vhodlo,
Tujeo imaji paiemcho dullo, pai mhunon putan bapaik vengoilo,
Imaji pondak nixanim polloun, pain putache vengen jiv sodlo

Avoi-bapaini apnnachea bhurgeank diunk zai appreciasaum,
Dusreank vakandtat apnacheak kendtat, bhurgim bhogtat fugasaum,
Zor thor vannkani na, urba kilonam, chepon veta occasaum
Hich istor pai putachi, istor vankanechi, mai-paik ek borem lissaum