FOLKLORE SICILIANO LA ZITA LYRICS

 
Malanova di la vita quannu è laria la me zita

ah laria è, chiu laria d'idda non ci nnè

Iavi lu nasu a catanuli, quannu stranuta pari n'cannuni

ah laria è, comu a d'idda non ci nnè

Iavi l'occhi a duppiu musu, unu apettu e l'autru chiuso

ah laria è, comu a d'idda non ci nnè

Ci và criscennu lu mustazzu e m'assumigghia a masculazzu

ah laria è, comu a d'idda non ci nnè

RIT:

I bidizzi non su nenti n'da la vita e tu lo sai

suddun'avi assai assai e cummogghianu li guai



Iavi la vucca nicaredda quannu la rapi ci và na vastedda

ah laria è, comu a d'idda non ci nnè

Avi li renti anniricati comu a du legni affumicati

ah laria è, comu a d'idda non ci nnè

C'è so matri n'da famigghia ca è chiu laria di la figghia

ah laria è, comu a d'idda non ci nnè

Iavi u dareri comu na palla quannu camnina tuttu cià balla

ah laria è, comu a d'idda non ci nnè

RIT:

I bidizzi non su nenti n'da la vita e tu lo sai

suddun'avi assai assai e cummogghianu li guai



Iavi la panza quannu na utti quannu camina fà ririri a tutti

ah laria è, comu a d'idda non ci nnè

So cucina Rusulia iè chiu laria di mia

ah laria è, comu a d'idda non ci nnè

Iavi li iammi a cucciddatu quannu camnina si ietta di latu

ah laria è, comu a d'idda non ci nnè

C'è so soru Carmelina ca è chiu laria ri so cucina

ah laria è, comu a d'idda non ci nnè

RIT:

I bidizzi non su nenti n'da la vita e tu lo sai

suddun'avi assai assai e cummogghianu li guai


Iavi li peri a chichiricò quannu camnina fa si e no

ah laria è, chiu laria d'idda non ci nnè

Quannu na lu bagnu si spugghiau tutta la genti si ni scappau

ah laria è, comu a d'idda non ci nnè



Di tuttu chistu non mi spaventu iavi li soddi e sugnu cuntentu

ah bedda è, chiu bedda d'idda non ci nnè (X2)