歐陽靖 飲啖茶 LYRICS

 
飲啖茶　食個包　飲啖茶　食個包　
飲啖茶　食個包　飲啖茶　食個包

約咗十點半　十點半一定要到
咁早唔去飲茶仲有乜嘢可以去做
唔介意搭檯嘅嘢食可以即刻到口
唔想搭檯嘅就大約十五分鐘左右
冇辦法啦　寧願等一等都唔想同人逼
我同你話晒大家都根本都唔係相識
我有你　你有你 　你飲香片我飲普洱
我地根本就唔夾　所以有得避就要避
飲茶根本淨係得個嘈　最緊要係啲嘢食全部熱辣辣岩岩新鮮出爐
飲茶淨係得個嘈　最緊要係啲嘢食全部熱辣辣岩岩新鮮出爐

飲啖茶　食個包　飲啖茶　食個包　
飲啖茶　食個包　飲啖茶　食個包

我地做個比例　如果點心係一套戲
蝦餃一定會做主角　因為佢實在太好味
唔係點解次次出場先
都係去內場　我話蝦腸唔係牛腸　唔該幫我改一改　
啲糯米鷄太熱　所以我次次慢慢咬
唔該要一碟排骨　同埋嚟多兩籠鳳爪
啲蛋撻唔夠熱唔該你幫我叮一叮　
請問啲叉燒包究竟係焗嘅定係煎　
啲蘿蔔糕最緊要煎得好　最係上便加一啲海鮮醬就可以即刻擺落肚
啲蘿蔔糕最緊要煎得好　最係上便加一啲海鮮醬就可以即刻擺落肚

飲啖茶　食個包　飲啖茶　食個包　
飲啖茶　食個包　飲啖茶　食個包

你唔飽　飲茶有哩一下方便
可以叫碟乾炒牛河或者海鮮炒麵
食唔晒嘅可以打包　做人慳得就要慳
等我飲埋哩啖茶　就叫個伙計買單
嗱　我而家就去一去洗手間　
嗱　嗱　上次你請　今次等我俾錢　千其咪嚟同我爭
上次你請啊　今次噉係到我嘅啦　
嗱係咪朋友先　係朋友嘅就唔好同我爭啊
喂　大家自己人爭咩嘢啫　緊係等我俾　
你唔係呀　你唔係搵交嗌呀嘛　
飲茶你都要搵交嗌　喂　等我俾啦

飲啖茶　食個包　飲啖茶　食個包　
飲啖茶　食個包　飲啖茶　食個包