จรัญ อุ้ยคำ LYRICS

 
อุ๊ยคำ..อุ๊ยคำ..อุ๊ยคำ..
อุ๊ยคำคนแก่ ท่าทางใจดี ลูกผัวบ่มี อยู่ตัวคนเดียว
มะแลงแดดออก อุ๊ยคำกำเคียว เกี่ยวผักบุ้ง ใส่บุงกลางหนอง
ตาก็ฝ้าก็ฟาง หลังก็งุ้มก็งอ อยู่กลางหนองจนมืดจนค่ำ
แล้วแกก็แบ่ง ๆ ผักบุ้งเป็นกำ ๆ ส่งขาประจำเลี้ยงตัวสืบมา

อุ๊ยคำเคยบอก เล่าความเป็นมา ลูกผัวก่อนหน้านั้นอยู่โต๋ยกั๋น
แล้วมาวันหนึ่ง ๆ ผัวแกก็พลัน ๆ มาต๋ายละกั๋น เหลือเพียงลูกสาว
แต่แล้วแหมบ่เมิน มีเรื่องอื้อฉาว ลูกสาวหนีโต๋ยป่อจาย
อุ๊ยคำเลยอยู่ คนเดียวเปลี่ยวดาย ตุ๊กใจ๋ตุ๊กก๋าย ปี้น้องบ่มี

อุ๊ยคำ..อุ๊ยคำ..อุ๊ยคำ

อุ๊ยคำคนแก่ ท่าทางใจดี ลูกผัวบ่มี เป็นตี้เอ็นดูล้ำ
แล้งนี้แดดอ่อน บ่หันอุ๊ยคำ เกยมาประจำ อุ๊ยคำไปไหน
หมู่ผักบุ้งยอดซมเซาซบบ่ไหว เป็นจะใดไปแล้วอุ๊ยคำ

ฟ้ามืดมัวหม่น เมฆฝนครึ้มดำ
เสียงพระอ่านธรรม ขออุ๊ยคำไปดี

อุ๊ยคำ..อุ๊ยคำ..อุ๊ยคำ